දශකයකට පමණ පෙර සිට සරල ප්‍රජාසත්කාරයන්ගෙන් ආරම්භ කරන ලද අපගේ මෙහෙවර මේ වන විට දිවයිනේ දුෂ්කර ප්‍රදේශවල පවතින සෞඛ්‍ය, සමාජ ගැටලු විසදීමට හා ඔවුන්ගේ ජීවන මට්ටම උසස් කරලීමට අවශ්‍ය පහසුකම් සපයා දීමට සක්‍රීය දායකත්වයක් දක්වන සමාජ සත්කාර ආයතනයක් බවට සිද්ධාලෝක පදනම පත්ව ඇත්තේ අප නායකත්වය හා ක්‍රියාකාරී සාමාජිකයන් ගේ ඇති අපමණ කැප වීමෙනි.
වැඩිහිටියන්ට උපකාර කිරීමෙන් ආරම්භ කරන ලද අප සමාජ සත්කාර වැඩ පිළිවල අසරණ රෝගීන්ට වෛද්‍ය සායන පැවැත්වීම ඇස් කණ්ණාඩි ලබාදීම සහ පෝෂණ මලු ලබාදීම, ලේ දන්දීමේ සංවිධාන කටයුතුවලට සහභාගි වීම වැනි සත්කාරයන් ගෙන් පසුව කුඩා දරුවන්ගේ අධ්‍යාපන අවශ්‍යතාවයන් වෙනුවෙන් ඔවුන්ට අවශ්‍ය අධ්‍යාපන උපකරණ ලබාදීම මෙන්ම පොත්පත, සපත්තු ඇතුළු දරුවන්ගේ අනෙකුත් අවශ්‍යතාවයන් සපුරා ලන අතරතුරම ඔවුන්ගේ විනෝදාස්වාදය සඳහා ද විවිධ වැඩසටහන් සංවිධානය කිරීමට හැකිවීම අප පදනමේ සාමාජිකයින් බොහෝ සේ සතුටු වන කරුණකි.
